অসম বাঁহ আৰু বেত নীতি, ২০১৯ য়ে বিজ্ঞানসন্মত ব্যৱস্থাপনা আৰু অংশীদাৰসকলৰ অংশগ্ৰহণৰ জৰিয়তে অসমত বাঁহ আৰু বেত সম্পদৰ বহনক্ষম উন্নয়ন আৰু ইয়াৰ ব্যৱহাৰৰ লক্ষ্য স্থিৰ কৰিছে।
এই নীতিৰ লক্ষ্য আৰু উদ্দেশ্যসমূহ হৈছে:-
১) বাঁহগছ আৰু বেতগছৰ অৰণ্য আৰু বাঁহগছ হোৱা স্থানসমূহৰ সৈতে সম্পৰ্কযুক্ত জৈৱবৈচিত্ৰক সুৰক্ষা প্ৰদান কৰা আৰু ইয়াক সংৰক্ষণ কৰা।
২) বহনক্ষম আৰু বিজ্ঞানসন্মত কৃষিকাৰ্যৰ জৰিয়তে বনাঞ্চল, চন পৰি থকা ভূমিখণ্ড আৰু ব্যক্তিগত ভূমিখণ্ডত বাঁহগছৰ খেতি কৰি এই সম্পদ বৃদ্ধিৰ বাবে ব্যৱস্থা গ্ৰহণ কৰা।
৩) বিজ্ঞানসন্মত ব্যৱস্থাপনা আৰু উন্নত প্লেণ্টং ষ্টকৰ ব্যৱহাৰেৰে ইয়াৰ উৎপাদকতা বৃদ্ধি কৰা।
৪) বাঁহৰ ওপৰত নিৰ্ভৰশীল উদ্যোগসমূহক বহনক্ষম পৰ্যায়ত উপলব্ধ সম্পদসমূহৰ ব্যৱহাৰৰ বাবে আৰু নিশ্চিত উপাৰ্জন সৃষ্টিৰ বাবে সবাটোকৈ সৰু, সৰু, মধ্যম আৰু ডাঙৰ পৰ্যায়লৈ উন্নীতকৰণ। বেতৰ ওপৰত নিৰ্ভৰশীল উদ্যোগসমূহকো এনেধৰণে পদোন্নতি প্ৰদান কৰা হ'ব।
৫) হস্তশিল্পৰ উৎপাদন আৰু অন্যান্য মূল্য সংযোজিত বিষয়সমূহৰ বাবে পৰম্পৰাগত খণ্ডসমূহৰ পুনৰ প্ৰৱৰ্তন আৰু উন্নীতকৰণ।
৬) কেঁচামালৰ নিশ্চিত যোগান আৰু উপযুক্ত প্ৰতিষ্ঠানৰ স্থাপনেৰে বাঁহ আৰু বেতৰ ওপৰত নিৰ্ভৰশীল সকলো পৰ্যায়ৰ লোকৰ নিয়োগৰ সুবিধা বৃদ্ধি কৰা আৰু জীৱনধাৰণৰ সুৰক্ষাৰ সৃষ্টি কৰা।
৭) বননিৰ পৰা সংগৃহীত কাঠৰ ওপৰত পৰা চাপ হ্ৰাস কৰি পৰম্পৰাগত বাঁহেৰে সজা ঘৰৰ বিকাশ সাধন কৰা আৰু বাঁহেৰে সজোৱা আধুনিক বাসগৃহ স্থাপন।
৮) পৰিৱেশ সংৰক্ষণ, অৱনমিত ভূমিখণ্ডৰ সেউজীকৰণ আৰু জলাশয় আৰু নদীৰ পাৰৰ সুৰক্ষাৰ বাবে বাঁহ আৰু বেতৰ ব্যৱহাৰ আৰু ৰাস্তা আৰু দলং নিৰ্মাণৰ বাবে জীয়-মেটেৰিয়েল হিচাপে বাঁহ-বেতৰ ব্যৱহাৰ।
৯) কৌশল বিকাশ, সামৰ্থ্য গঢ়ন, উৎপাদনৰ পৰা বজাৰ মূল্যলৈকে বাঁহৰ বিকাশৰ সমূহ দিশত সজাগতাৰ সৃষ্টি।
১০) বাঁহ আৰু বেত উৎপাদিত সামগ্ৰীসমূহৰ ফলপ্ৰসূ বজাৰৰ উন্নীতকৰণ।
